Баянхонгор аймгийн Эрдэнэцогт сумын Эрхэтийн-Ар тогоот гэх газар  иргэн Ц наймдугаар сарын 20-нд айлд цагаан идээ хүргэхээр явганаар яваад сураггүй болсон.  Тус эмэгтэйг наймдугаар сарын 21-есдүгээр сарын 8 хүртэл эрэн хайх ажиллагааг зохион байгуулсан боловч үр дүнд хүрээгүй байна.

        Ар гэрийнхнээс нь дахин эрэн хайх хүсэлт гаргасны дагуу энэ сарын 17-өөс эрэн хайх ажиллагааг дахин эхлүүлжээ. Энэ сарын 18-ны байдлаар тус аймгийн Онцгой байдлын газар, Цагдаагийн газрын алба хаагчид тус сумын Эрхэтийн хавцал гэх газраас Дөрөө хавчих хавцал гэх газар хүртэл 10 км-т явганаар эрэн хайх ажиллагааг зохион байгуулсан боловч үр дүнд хүрээгүй байна. Харин өчигдөр 08:00 цагт  тус аймгийн Онцгой байдлын газар, Цагдаагийн газраас алба хаагчид, ар гэрийнхэн, нутгийн ард иргэд Эрхэтийн хавцал, Дөрөө хавчих хавцал, Сангийн толгой, Адагийн бүтүү гэх газраар  явганаар дөрвөн км газар эрэн хайх ажиллагааг зохион байгуулсан боловч үр дүнд хүрээгүй тул ар гэрийнхэн хүсэлт гаргаж, тус аймгийн Онцгой байдлын газрын даргын шийдвэрээр эрэн хайх ажиллагааг түр зогсоосон байна.