Өнгөрсөн баасан гарагт “Цахим үндэстэн” шоу болсон. Үүний улмаас халдвар хамгааллын дэглэм алдагдаж, бөөгнөрөл үүсгэлээ хэмээн олон нийт шүүмжлэлттэй хандаж буй. Энэ талаар Ерөнхий сайд Л.Оюун-Эрдэнэ мэдээлэл өглөө. Тэрбээр “ Цахим үндэстэн” арга хэмжээг 120 гаруй аж ахуйн нэгж хамтарч хийсэн. Энэ үеэр 5G технологид нэвтэрсэн гэдгийг аж ахуйн нэгжүүдэд танилцуулж, анхны дрон шоу болсон. Шоунд оролцсон төрийн байгууллагынхан болон хамтарч оролцсон аж ахуйн нэгжүүд алдаа гаргасан байхыг үгүйсгэхгүй.

       Засгийн газар гадаа болох арга хэмжээг цаашид дэмжинэ. Манай улсын эдийн засаг дөрөв, тавдугаар сард  хасах бланс руу орж, улсын төсөв 23 хувиар тасалдсан амаргүй цаг үед бид ажиллаж, амьдарч байна. Гаднын улс орнууд гадаах арга хэмжээг нээлттэй болгож байгаа. Бид цаашид дотор болох соёл урлагийн арга хэмжээг нээлттэй болгох тал дээр ажиллана” гэв.