Архангай аймгийн Өлзийт сумын Ямаат багийн Хужирт гэх газар Орхон голын усанд  хүний цогцос байна, гаргаж өгнө үү гэсэн хүсэлт Онцгой байдлын газарт иржээ. Дуудлагын дагуу тус аймгийн Онцгой байдлын газрын эрэн хайх, аврах салбарын алба хаагчид мөн өдрийн 19:50 цагт ангийн байрлалаас хөдөлж, өчигдөр 02:24 цагт Өлзийт суманд очиж хоноглоод 07:50 цагт голомтод очиж цогцос гаргах ажиллагааг эхлүүлсэн байна.

      Голын эргээс 50 метрийн зайд голын дунд орших арлаас 09:08 цагт цогцсыг гаргаж Цагдаагийн мөрдөн байцаагчид шилжүүлэн өгчээ. Уг цогцос нь наймдугаар сарын 23-ны өдөр гэрээсээ мотоцикльтой гараад, сураггүй болсон малчин 36 настай Б болох нь тогтоогджээ.