Энэ сарын 4-нд “SM medical” эмнэлэгт хамрын муруй арилгах болон эрэгтэйчүүдийн мэс засал хийлгэсэн эрэгтэй нас баржээ. Энэ талаар түүний ах мэдээлэл өгөхдөө “Манай дүү тус эмнэлэгт хамрын муруй арилгах мэс засал хийлгэсэн.

       “SM medical” эмнэлгээс над руу 13:00 цагийн үед залгаад “Танай дүү өндөр хэмтэй халуураад, ухаангүй байна.  Нэгдүгээр эмнэлэг рүү дуудлага, мэдээлэл өгсөн. Та тийшээ очоорой” гэж хэлсэн. Намайг нэгдүгээр эмнэлгийн түргэн туламжийн эмнэлэгт очиход дүү өндөр хэмтэй халуурч байгаад орой 19:00 цагийн үед нас барсан. Бид “SM medical” эмнэлэгийн мэс засал стандартын дагуу болсон эсэхэд эргэлзэж байна. Нас барсных нь дараа эмч нар хэлэхдээ “Эрэгтэйчүүдийн мэс засалд давхар орсон” гэж хэлсэн. Хоёр төрлийн мэс засал зэрэг хийж болох эсэхийг хууль хяналтын байгууллага тогтоох байх. Тус хэргийг Хан-Уул дүүргийн цагдаагийн Нэгдүгээр хэлтэст шалгаж байгаа. Манай дүү АНУ-д таван жил ажиллаж байгаад хүүхдүүдээ авах гэж байгаа юм" гэлээ.