Тээврийн цагдаагийн албаны Жижүүрийн шуурхай удирдлагын төвд 2021 оны есдүгээр сарын 10-12-ны өдрүүдэд нийт 1158 дуудлага мэдээлэл хүлээн авснаас зам тээврийн ослын шинжтэй 822 дуудлага мэдээлэл бүртгэгджээ. Бүртгэгдсэн зам тээврийн ослын улмаас нийслэлд ес, орон нутагт нэг хүн гэмтэж, зам тээврийн ослын улмаас нийслэлд хоёр, орон нутагт хоёр хүн амиа алдсан байна.

Хүний амь хохирсон осол:

• 2021 оны есдүгээр сарын 12-ны өдрийн 22:00 цагийн орчимд ХУД-ийн дөрөвдүгээр хорооны нутаг дэвсгэрт суудлын автомашины жолооч, явган зорчигчийг мөргөж, явган зорчигч амиа алдсан.
• 2021 оны есдүгээр сарын 11-ний өдрийн 03:00 цагийн орчимд ХУД-ийн 15 дугаар хорооны нутаг дэвсгэрт суудлын автомашины жолооч, явган зорчигч мөргөсөн.
• 2021 оны есдүгээр сарын 11-ний өдрийн 23:00 цагийн орчимд Хэнтий аймгийн Жаргалтхаан сумын нутагт асфальтан замд том оврын автомашин онхолдож, зорчигч амиа алдсан.
• 2021 оны есдүгээр сарын 10-ны 13:00 цагийн орчимд Завхан аймаг Идэр сумын нутаг дэвсгэрт улсын дугааргүй механизм өнхөрч, явган зорчигч амиа алдсан.

Мөн гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон Нийслэлд 187, орон нутагт 47, улсын хэмжээнд 234 зөрчлийг тус тус илрүүлж, учирч болох эрсдэлээс урьдчилан сэргийлэн ажилласан.

Иргэд жолооч та бүхэн өөрийн болон бусдын аюулгүй байдлын үүднээс замын хөдөлгөөнд оролцсон бол архи согтууруулах ундааны зүйл хэрэглэхгүй байх, замын хөдөлгөөнд явганаар оролцох үедээ явган хүний гэрэл дохио, гарцаар гарч хэвшихийг цагдаагийн байгууллагаас анхааруулж байна.