Хан-Уул дүүргийн 12 дугаар хороо, “Сонгины амралт"-ын гүүр орчим Туул голд хүн живсэн тухай дуудлага есдүгээр сарын 12-ны 18:53 цагт Онцгой байдлын газарт иржээ.

Тодруулбал, нийслэлийн Сонгинохайрхан дүүргийн харьяат иргэн 32 настай, эрэгтэй Т нь согтууруулах ундааны зүйл хэрэглэсэн үедээ Туул голд живсэн байна.

      Дуудлагын дагуу нийслэлийн Аврах ангийн алба хаагчид 31 км замыг туулан 19:38 цагт очиж, голын урсгал дагуу гурван километрт эрэн хайх ажиллагаа зохион байгуулсан боловч үр дүнд хүрээгүй тул 20:40 цагт түр зогсоожээ. Харин эрэн хайх ажиллагааг өнөөдөр эхлүүлээд байна.