Монголын Боксын холбооны бага хурал энэ сарын 5-нд Тусгаар тогтнолын ордонд болж, шинэ Ерөнхийлөгчөө сонгосон. Боксын тамирчид хурлын дараа “Наран плаза”-ын зургаадугаар давхарт байрлах “New york” ресторанд “найрлаж” зодолдсон байдаг. Э.Цэндбаатар цахим хуудастаа лайв хийж, “Энэ хоёр намайг зодчихлоо. Ингээд нэг айлын амьдрал дуусна шүү дээ” хэмээн цус, нөжтэйгөө холилдсон байдалтай ярьсан юм. Тэрбээр архи, согтууруулах ундааны зүйл хэрэглэсэн үедээ тус бичлэгийг хийж, боксчдод зодуулсан тухай дуудлагыг цагдаагийн байгууллагад өгсөн гэдэг.

       Тус зодоонтой холбоотойгоор Э.Цэндбаатарыг Үндэсний шигшээ багаас хөөх шийдвэрийг Монголын Боксын холбоо албажуулж, олон нийтэд зарласан билээ. Өөрөөр хэлбэл, түүнийг бусадтай зодолдож, ёс зүйгүй алдаа гаргасан хэмээн үзсэн юм. Тэгвэл өнөөдөр түүний бусдад зодуулж байх үеийн бичлэг олон нийтэд  ил боллоо. Бичлэгт Э.Цэндбаатарыг боксын хоёр тамирчин цохиж, ухаан алдуулж байгаа нь бичигдэн үлджээ.