Улсын хэмжээнд жил бүрийн Есдүгээр сарын хоёр дахь долоо хоногийн бүтэн сайн өдрийг “Урлагийн ажилтны өдөр” болгон тэмдэглэдэг уламжлалтай.

Тэгвэл энэ жилийн урлагийн ажилтны баярыг тохиолдуулан Төв аймгийн Зуунмод сумын Иргэдийн төлөөлөгчдийн хурлын шийдвэрээр Зуунмод сумын Соёлын төвийг МУГЖ, Зууны манлай хос дуучин С.Вандан, Д.Дуламсүрэн нарын нэрэмжит болгохоор шийдвэрлэжээ.

Улмаар тус сумын Засаг дарга Ч.Сарангэрэл хос дуучдыг хүлээн авч, хүндэтгэл үзүүлсэн байна.

Ташрамд дурдахад дуучин С.Вандан, Д.Дуламсүрэн нар тус театраас ажил, амьдралын гараагаа эхлүүлсэн байдаг.  Мөн энэ үеэр Зуунмод сумын иргэн Г.Баасанжавыг "Соёлын тэргүүний ажилтан", С. Больнямсанг "Ардын авьяастан", Г.Азжаргалыг "Зуунмод сумын Засаг даргын Жуух бичиг" -ээр тус тус шагнасан байна.