Монгол Улсад залуучуудын байгууллага үүсэж хөгжсөний 100 жил, Монголын Үндэсний Бөхийн холбооны 30 жил, Монгол бөхийг дэлхийн дээд амжилт Гиннест бүртгүүлсний 10 жилийн ойд зориулсан 512 хүчит бөхийн барилдаан болсон билээ. Тус барилдаанд зодоглож, тавын даваанаас хойш тунаж, үлдсэн бөхчүүдээс допингийн шинжилгээ авсан билээ.

Шинжилгээ хариу гарсан эсэх талаар Монголын үндэсний бөхийн холбооны тэргүүн Ц.Магалжаваас тодруулав. Тэрбээр “18 бөхөөс допингийн шинжилгээг БНСУ руу явуулсан байгаа. Одоогийн байдлаар шинжилгээний хариу албан ёсоор гараагүй байна. Тийм учраас нэр бүхий бөхчүүдээс допинг илэрсэн гэдэг нь худал мэдээлэл” гэсэн юм.