Тээврийн цагдаагийн албаны жижүүрийн шуурхай удирдлагын хэлтэст нийт 709 дуудлага, мэдээлэл иржээ. Үүнээс зам тээврийн ослын шинжтэй 492 дуудлага мэдээллийг хүлээн авч шийдвэрлэж ажилласан байна.

     Бүртгэгдсэн зам тээврийн ослын улмаас нийслэлд 13, орон нутагт таван хүн гэмтэж, ноцтой зам тээврийн ослын улмаас орон нутагт нэг  хүний амь хохирсон байна.

     Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 157 зөрчил илрүүлсний нийслэлд 104, орон нутагт 53 зөрчлийг илрүүлж учирч болох эрсдэлээс урьдчилан сэргийлж ажилласан байна.