Орхон аймагт өнгөрсөн дөрвөн жилийн хугацаанд улсын болон орон нутгийн төсвийн хөрөнгө оруулалтаар нийт 11 барилга, байгууламж, өргөтгөлийг ашиглалтад хүлээн авсан байдаг.

      Тухайлбал, 2017 онд Эрдэнэ багийн 640 хүүхдийн сургууль, Шанд багийн 17 дугаар сургуулийн өргөтгөл, Дэнж багийн 20 дугаар цэцэрлэгийн өргөтгөл, 2018 онд орон нутгийн төсвийн хөрөнгө оруулалтаар Цагаанчулуут багт 280 хүүхдийн цэцэрлэг, 2020 онд Их залуу багийн 23 дүгээр цэцэрлэгийн өргөтгөл, Жаргалант сумын сургуулийн 100 хүүхдийн дотуур байрыг ашиглалтад оруулсан байдаг.

    Харин энэ онд онд Булаг багийн 18 дугаар цэцэрлэгийн өргөтгөл, Баянбулаг багийн 27 дугаар цэцэрлэгийн барилга, Эрдэнэ багийн 11 дүгээр цэцэрлэгийн өргөтгөл, Согоот багийн дөрөвдүгээр цэцэрлэгийн өргөтгөл, Уурхайчин багийн долдугаар цэцэрлэгийн усан бассейныг тус тус ашиглалтад хүлээн авч үйл ажиллагааг нь эхлүүлээд байгаа.

       Тэгвэл 2017 онд баригдаж ашиглалтад орсон Орхон аймгийн 17 дугаар сургуулийн өргөтгөлийн барилгын хана, тааз цуурч, шал нь цөмөрчээ. Барилгад нуранги үүсэх аюултай тул хичээл, сургуулийн үйл ажиллагааг түр хугацаагаар зогсоосон аж.