Дорнод аймгийн Халхгол сумын “Талын буйр” гэх амралтын газар наймдугаар сарын 31-ний 20:00 цагийн үед иргэн Х нь тус амралтын газраас гараад сураггүй болжээ. Тус аймгийн Онцгой байдлын газрын Халхгол сум дахь Гал түймэр унтраах, аврах 62 дугаар анги, сумын Цагдаагийн хэсгийн алба хаагчид, “Талын буйр” ХХК-ийн ажилтнууд өчигдөр 05:30 цагт эрэн хайх ажиллагааг эхлүүлж мөн өдрийн 11:00 цагт Халхгол сумын төвөөс баруун хойд зүгт 77 км-т, Ялалт хоёрдугаар багийн нутаг Хулст нуурын шаварт их биеийн хэсэг нь шигдэж, толгойн хэсэг ил гарсан байдалтай байсныг олж, цогцсыг сумын хэсгийн төлөөлөгчид шилжүүлэн өгчээ.