Тээврийн цагдаагийн албаны жижүүрийн шуурхай удирдлагын төвд нийт 342 дуудлага, мэдээлэл хүлээн авсан байна. Үүнээс зам тээврийн ослын шинжтэй 231 дуудлага бүртгэгдсэн байна. Бүртгэгдсэн зам тээврийн ослын улмаас нийслэлд найм, орон нутагт хоёр хүн гэмтэж, нэг хүн нас барсан байна.

     Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 46 зөрчил илэрсэн байна. Үүнээс нийслэлд 29, орон нутагт 17 зөрчил илрүүлж учирч болох эрсдэлээс урьдчилан сэргийлж ажилласан байна.                  

     Хичээлийн шинэ жил эхэлж явган зорчигчын хөдөлгөөн нэмэгдэж байгаа тул жолооч та бүхэн сургууль орчмын бүсэд хөдөлгөөнд оролцохдоо анхаарал болгоомжтой зорчиж гарц гарамтай хэсгээр тээврийн хэрэгслийн хөдөлгөөний хурд хасах шаардлагатай байна. Мөн үр хүүхдээ автомашинд авч явахдаа хамгаалах бүс зүүлгэх, зориулалтын суудалд суулгах, харгалзах хүнтэй тээвэрлэж хөдөлгөөнд оролцохыг тээврийн цагдаагийн албанаас анхааруулж байна.