Монголын Үндэсний их сургууль нэршилтэй холбоотой мэдэгдэл хийлээ. Энэ үеэр холбогдох мэргэжилтэн “БШУ-ын сайд Л.Энх-Амгалан наймдугаар сарын 26-нд их, дээд сургуулийн удирдлагуудтай хэвлэлийн бага хурал хийсэн.

          Тус хурлын үеэр Монголын Үндэсний их сургуулийг луйвар хийдэг гэж цоллосон. Энэ нь эрх зүйн хүрээнд доромж утгатай, гүтгэсэн шинжтэй болж байгаа юм. Тиймээс Монголын Үндэсний их сургууль хуулийн хүрээнд нэрээ баталгаажуулж, нэр төр, бизнес, ажил хэргийн нэр хүндээ сэргээлгэхийн тулд Сүхбаатар дүүргийн Иргэний хэргийн шүүхэд өнөөдөр нэхэмжлэл гаргаж байна. Нэхэмжлэлийн шаардлагад нэгдүгээрт, Л.Энх-Амгалан сайдыг уучлалт гуйна уу, гэж хүсэж байна. Хоёрдугаарт, манай сургуулийг луйвар хийдэг хэмээн тараасан үйлдэлдээ няцаалт хийхийг даалгах, БШУ-ын сайдын хувиар тухайн мэдээллийг тараасан хэлбэр хэрэгслээр залруулга хийх нэхэмжлэлийг шаардлага гаргаж байна” гэсэн юм.