Нийслэлийн Засаг даргын зөвлөлийн хуралдаанаар  Улаанбаатар хотын төр, захиргааны байгууллагуудын ажлын  цагийн хуваарьт зохицуулалт хийх тухай асуудлыг хэлэлцэж, дэмжсэн шийдвэр гаргасан билээ. Авто замын ачааллыг зохицуулах, хаврын бүтээн байгуулалтыг дэмжих, түгжрэлийг бууруулах зорилгоор нийслэлийн төр захиргааны байгууллагуудын ажлын цагийг 08:00-17:00 байхаар тогтоосон юм. 

      Тэгвэл нийслэлийн төр захиргааны байгууллагуудын ажил өнөөдрөөс 08:00-17:00 цагийн хуваарьт шилжлээ. Цаашид цэцэрлэг, сургууль төдийгүй хувийн хэвшлийн байгууллагууд, томоохон зах худалдааны төвийн ажиллах цагийн хуваарьт өөрчлөлт оруулж, авто замын ачааллыг  бууруулах аж.