Эрүүл мэндийн сайдын тушаалаар хариу арга хэмжээний буюу онцгой, цагдаа, эрүүл мэндийн байгууллагын ажилтнуудад астразенека вакцины гурав дахь тунг хийж эхэлсэн. Иргэдэд сайн дурын үндсэн дээр бөгөөд наймдугаар сарын 31 хүртэл гурав дахь тунг хийх юм.

        Тэгвэл Нийслэлийн хэмжээнд өнөөдөр дархлаажуулалтын нэгдүгээр тунд 587, хоёрдугаар тунд 2150, гуравдугаар тунд 2582 буюу нийт 5319 иргэн хамрагджээ.

         Улмаар нийслэлийн нийт хүн амын 73.9 хувь нь нэгдүгээр тунд, 68.8 хувь нь хоёрдугаар тунд хамрагдсан байна. Мөн зорилтот бүлгийн 95.9 хувь нь вакцины хоёрдугаар тундаа бүрэн хамрагдсан аж.