ХӨСҮТ-ийн Лабораторийн үйл ажиллагаатай холбоотойгоор маргааш тандалтын PCR шинжилгээг авахгүй болжээ. Энэ тухай ХӨСҮТ-ийн албан ёсны фэйсбүүк хуудаст "2021 оны наймдугаар сарын 26-ны өдөр ХӨСҮТ-ийн Лаборатори тандалтын PCR шинжилгээ авахгүй болохыг иргэдэд анхааруулж байна. Үйл ажиллагаа наймдугаар сарын 27-ны өдрөөс хэвийн үргэлжилнэ" хэмээн бичсэн байна.

   Халдварт өвчин судлалын үндэсний төв гадаад оронд зорчигч иргэд болон халдварын шинж тэмдэг илэрсэн иргэдээс өдөр бүр 09:00-12:00 цагийн хооронд үнэгүй авдаг PCR шинжилгээг маргааш түр зогсоохоор болжээ. Харин явуулын багийн ойрын хавьтлуудаас авах шинжилгээ хэвийн үргэлжлэх аж.