Говь-Алтай аймгийн Тайшир сумын Баянтохойд "Ургацын баяр-2021", Агро ойн аж ахуй болон Инноваци сургалт, судалгааны төвийн нээлт энэ сарын 28-нд болно. Говь-Алтай аймгийг 2021-2025 онд хөгжүүлэх таван жилийн үндсэн чиглэл, Засаг даргын 2020-2024 оны үйл ажиллагааны хөтөлбөрт тусгагдсан "Газар тариалан жимс жимсгэнэ" төсөл арга хэмжээ хэрэгжиж байгаа билээ. Энэхүү арга хэмжээний хүрээнд  Бигэр сумын Агро-Ойн аж ахуй, Тайшир сумын Агро-Инноваци сургалт, судалгааны төвийн нээлт, "Ургацын баяр"-ыг наймдугаар сарын 28-нд Тайшир сумын Баянтохойд Агро-Инноваци сургалт, судалгааны төвийн талбайд зохион байгуулахаар болсон тухай ЗДТГ-аас мэдээлжээ.