Архангай аймгийн Өлзийт сумын Хархираан багалзуур гэх газар энэ сарын 23-ны 16:00 цагийн үед иргэн Б гэрээсээ мотоциклтой гараад сураггүй болжээ. Тус аймгийн Онцгой байдлын газрын Эрэн хайх аврах салбарын алба хаагчид, орон нутгийн иргэд, ар гэрийн хүмүүс малчин Б, 36 настай, эрэгтэйг эрэн хайх ажиллагааг зохион байгуулж, тус өдрийн 17:00 цагийн орчим Хархираан голын эргээс мотоциклийг олсон байна. Харин өчигдөр 08:00 цагаас Хархираан багалзуураас Их хужиртын-Ам хүртэл 35 км-т завиар урсаж, Хархираа голын эрэг дагуу 35 километрт автомашинтай болон явганаар эрэн хайх ажиллагааг зохион байгуулсан боловч үр дүнд хүрээгүй байна. Тиймээс өнөөдөр эрэн хайх ажиллагааг  дахин эхлүүлжээ.