Улаанбаатар хотоос Дорноговь аймаг явах замд автомашин мөргөлдсөн ноцтой осоол гарчээ. Тодруулбал, Говьсүмбэр аймгийн Сүмбэр сумын орчим зорчиж явсан “Тоёота Королла”, “Приус-30” маркийн суудлын автомашинууд мөргөлдөж 38 настай, эрэгтэй нас баржээ. Тэрээр “Тоёота Королла” загварын автомашиныг жолоодож явсан бөгөөд төмөр хийцэд хавчуулагдаж нас барсан байна.

        Осолд өртсөн зорчигчид “Яаралтай тусламж хэрэгтэй байна” хэмээн дуудлага мэдээлэл өгсний дагуу Говьсүбмэр аймгийн Онцгой байдлын газрын Гал түймэр унтраах, аврах 37 дугаар ангийн алба хаагчид очин зургаан минут ажиллаж, нас барсан жолоочийн цогцосыг гарган авсан байна.

Улмаар тус аймгийн Шүүхийн шинжилгээний албанд хүлээлгэн өгчээ.