Их, дээд сургуулийн оюутнуудад нийтийн тээвэрт хөнгөлөлттэй зорчих картыг жил бүр олгодог. Тэгвэл 2021-2022 оны хичээлийн жилд олгох картыг хэрхэн  захиалах, эрхийг нь сунгах тухай мэдээллийг нийслэлийн Боловсролын газраас танилцууллаа.

Шинээр карт захиалах оюутнууд өөрсдийн харьяа их, дээд сургуулийнхаа сургалтын албанд наймдугаар сарын 25-наас есдүгээр сарын 4-нийг хүртэл хүсэлтээ өгөх юм. Харин их, дээд сургуулиуд БШУЯ-наас тогтоосон хяналтын тоонд багтаан есдүгээр сарын 4-14-ний өдрүүдэд дээрх мэдээллийг системд оруулснаар картаа авах боломжтой. Оюутанд зориулсан цахим төлбөрийн картыг шинээр авах үнэ 3600 төгрөг байх юм.