Элсэлтийн ерөнхий шалгалт энэ сарын 19-22 өдрүүдэд үргэлжилж, өнөөдөр буюу наймдугаар сарын 22-нд өндөрлөнө. Энэ жил ерөнхий боловсролын 12 дугаар ангийг нийт 34811 сурагч төгсөж байгаагаас 31782 нь элсэлтийн ерөнхий шалгалтад хамрагдаж байгаа юм.

Монгол Улсын Засгийн газрын хуралдаанаар шийдвэрлэсэн зохицуулалтад:

• 75 мэргэжлийн сургалт үйлдвэрлэлийн төвд 40165 суралцагч 
• 88 их, дээд сургуульд 150100 оюутан суралцахаар зохицуулсан.

Мэргэжлийн сургалт үйлдвэрлэлийн төвүүд есдүгээр сарын 1-нээс эхэлж, танхим болон цахим хослуулан сургалтаа эхлүүлнэ. Ирэх хилийн жилд Мэргэжлийн сургалт үйлдвэрлэлийн төвүүд онолын хичээл болон лекцийг 100 хувь цахимаар явуулах бөгөөд дадлага хичээлийг оруулахдаа танхимын болон дадлагын газрын зай талбайгаас хамаарч зохицуулалт хийх юм.

Тэгвэл есдүгээр сарын 1-нээс их, дээд сургуулиудын 2021-2022 оны хичээлийн жил цахимаар эхэлнэ. Харин танхимын сургалт хоёр дахь шатны элсэлтийн ерөнхий шалгалтын дараа буюу есдүгээр сарын 13-наас эхлэх юм.