Дэлхий даяар жил бүрийн есдүгээр сарын 22-ны өдрийг автомашингүй өдөр болгон тэмдэглэдэг уламжлалтай. Энэ жил Монгол Улс автомашингүй өдрийг энэ сарын 28-29-ний өдрүүдэд зохион байгуулахаар болсон. Автомашингүй өдрүүдэд Энхтайвны өргөн чөлөө буюу Баруун дөрвөн замаас зүүн дөрвөн зам хүртэл автомашин зорчуулахгүй.

Тэгвэл автомашингүй өдөр хаасан зам дагуу хичээлийн хэрэгслийн үзэсгэлэн худалдаа зохион байгуулахаар болжээ. Тодруулбал, Голомт банкны өмнөх талбай, Улсын их дэлгүүрийн талбай, Хичээнгүй сайд Б.Цэрэндоржийн гудамж, Д.Сүхбаатарын нэрэмжит талбай, Бөхийн өргөөний хойд талын талбай, нэг, хоёр, гуравдугаар байрны хойд талын талбай гэх томоохон зургаан байршилд хичээлийн хэрэгслийн үзэсгэлэн худалдаа зохион байгуулахаар болсон байна.