“Токио-2020” зуны олимпын XXXII их наадмын чөлөөт бөхийн эмэгтэйчүүдийн 53 килограмм жинд Монгол Улсыг төлөөлж оролцсон Б.Болортуяа хүрэл медаль хүртсэн. Тэгвэл Ховд аймгийн Булган сумын харьяат Б.Болортуяад хүндэтгэл үзүүлэх үйл ажиллагааг Ховд аймгийн удирдлага, нутгийн зөвлөл зохион байгуулжээ.

Уг үйл ажиллагааны үеэр олимпын хүрэл медальт Б.Болортуяад Ховд аймгийн Засаг дарга Б.Дүгэржав болон Булган сумын нутгийн зөвлөлөөс хоёр хоёр өрөө байр бэлэглэсэн байна. Түүнчлэн Ховд аймгийн нутгийн зөвлөлийн дарга, "Таван богд" группын ерөнхийлөгч Ц.Баатарсайхан Б.Болортуяагийн аавд мөн хоёр өрөө байр бэлэглэжээ.