Замын-Үүд дэх хилийн боомтоор хориотой бараа, бүтээгдэхүүн нэвтрүүлэх зөрчил жилийн жилд гардаг. Мөн тухайн бүс нутгийг хариуцсан Гааль, Мэргэжлийн хяналтын байгууллагын албан хаагчидтай үгсэн хуйвалдаж, улсын хилээр төвөггүй нэвтрүүлсэн авлигын хэрэг ч гарч байсан. Тэгвэл сүүлийн үед гарал үүсэл тодорхойгүй, хаяг шошгын зөрчилтэй барааг улсын хилээр хууль бусаар тээвэрлэсэн, нуун дарагдуулсан хэрэг зөрчил гарсаар байгаа аж.  

      Тодруулбал, “Гуагийн булаг” ХХК-ийн улсын хилээр нэвтрүүлсэн 7225 ширхэг гоо сайхны бүтээгдэхүүн нь баримт бичгийн зөрчилтэй, хаяг шошгын стандартын шаардлагагүй хангаагүй аж. Мөн нуун дарагдуулахыг завдсан учир хууль, хяналтын байгууллагын ажилчид тус хуурамч барааг хураан авч, устгалд оруулсан байна.