Нийслэлийн Засаг дарга бөгөөд Улаанбаатар хотын захирагч Д.Сумъяабазар мэдээлэл хийлээ.

Тэрбээр, "Нийслэлийн замын хөдөлгөөний ачааллыг бууруулахад нэн тэргүүний ач холбогдолтой авто зам, байгууламжийг олон улсад хүлээн зөвшөөрөгдсөн программ хангамжийг ашиглан хэрэгжүүлэх шаардлагатай төсөл, арга хэмжээнүүдийг эрэмбэлж, тооцоолол хийсэн.

Энэ хүрээнд Улаанбаатар хотын авто замын сүлжээг хөгжүүлэх мастер төлөвлөгөөний дагуу шинээр 1500 орчим километр зам барих шаардлагатай байгаа аж. Иймээс нэн шаардлагатай 432 километр авто замыг ойрын хугацаанд барихаар төлөвлөлөө.

Үүнээс эхний ээлжид түгжрэлд шууд нөлөө үзүүлэх 223 километр, дөрвөн төрлийн замын байгууламжийг нийт долоон төрлөөр ангилсан. Энэ ажлыг ирэх гурван жилд барьж байгуулснаар хөдөлгөөний эрчмийн нягтрал 50 хувь, авто замын түгжрэлийг 20 гаруй хувиар бууруулна" гэв.