Замын-Үүд боомтоор гарал үүсэл тодорхойгүй, хаяг шошго стандартын шаардлага хангаагүй бараа бүтээгдхүүнийг нуун дарагдуулж, улсын хилээр нэвтрүүлсэн 43 аж ахуйн нэгж, иргэний хууль бус үйлдлийг албаныхан илрүүлжээ. Тодруулбал, нэр бүхий аж ахуйн нэгж, иргэний улсын хилээр хууль бусаар нэвтрүүлсэн 445.6 тонн 357 килограмм бараа бүтээгдэхүүнийг хураан авч, Зам тээврийн хуулийн дагуу 58.7 сая төгрөгийн торгууль оногдуулжээ.

    Замын-Үүд боомт дахь Хилийн мэргэжлийн хяналтын алба сүүлийн нэг сарын хугацаанд тус боомтоор 1830 аж ахуйн нэг, есөн иргэний нийт 49871 тонн, 2845370 ширхэг бараа бүтээгдэхүүн нэвтрүүлэн ажиллажээ. Улмаар БНХАУ-ын Эрээн хотод зургаан сарын турш хуримтлагдсан ачааны 60-70 хувийг нь Замын-Үүд боомтоор татан оруулсан аж. Иймээс Тяньжин боомтод хүлээгдэж буй 4200 гаруй чингэлэг ачааг татаж эхлэхээр болжээ.

ТАНИЛЦ УЛСЫН ХИЛЭЭР НУУН ДАРАГДУУЛЖ НЭВТРҮҮЛЭХИЙГ ЗАВДСАН БАРАА БҮТЭЭГДЭХҮҮН

• Хатаасан үзэм
• Рапсын үр
• Эмнэлгийн хэрэгсэл /амны хаалт, бээлий г.м/
• Цагаан будаа
• Шар будаа
• Асбесн хавтан
• Хаана, хэзээ үйлдвэрлэсэн нь тодорхойгүй, гарал үүслийн бичиггүй хүнсний бүтээгдэхүүн
• Гоо сайхны бүтээгдэхүүн