Төв аймгийн Эрдэнэ сумын тавдугаар багийн нутаг Урт гозгор гэх газарт хууль бусаар ашигт малтмал олборлож байсныг Экологийн цагдаагийн албанаас илрүүлжээ. Тодруулбал, “Эрдэнэ олово” нөхөрлөл нь хууль бусаар газрын хэвлийд халдаж ашигт малтмал олборлох үйл ажиллагаа явуулж байна” гэсэн мэдээлэл тус албанд иржээ. Улмаар Экологийн цагдаагийн албаны хоёр алба хаагч, Төв аймаг дахь цагдаагийн газраас хоёр албан хаагчийн бүрэлдэхүүнтэй энэ сарын 17-18-ны өдрүүдэд хяналт, шалгалт хийжээ.

Тус нөхөрлөл нь Эрдэнэ сумын Засаг даргатай үгсэн хуйвалдаж, 1/16 дугаар бүхий гэрээ байгуулж, техник хэрэгсэл ашиглан газар сэндийчиж, ашигт малтмал олборлосон байж болзошгүй гэмт хэргийн шинжтэй үйлдлийг таслан зогсоосон байна. Ингэхдээ нутгийн 10 иргэнээс гэрчийн мэдүүлэг авч, шалгалтын ажиллагааг үргэлжлүүлж байна гэв.