Элсэлтийн ерөнхий шалгалтын хугацаа дуусмагц шалгалтын материалыг хураан авч битүүмжлэн, сэдэв хариуцагч IT мэргэжилтэнд хүлээлгэн өгнө. Ажилтан тухайн хариултын хуудсыг засагч машинд  уншуулах бөгөөд анхны оноог зарлан мэдээлэх аж. Шалгалтын материал засах, оноожуулах явц болон анхны оноог www.live.eec.mn хаягаар шууд хүлээн авах эсвэл нөхөн үзэх боломжтой.

Систем дээр бүртгэлийн дугаараар анхны оноо гарч ирэх ба овог нэрийг нийтэд зарлахгүй. Хэмжээст оноо шалгалтыг зохион байгуулснаас 24 цагийн дараа шалгуулагчийн буланд байршина. Иймээс тухайн сурагч өөрийн бүртгэлийн дугаар, нууц үгээ оруулаад тухайн хичээл дээр ямар оноо авсан гэдгээ мэдэх боломжтой гэдгийг Боловсролын үнэлгээний төвөөс мэдээллээ.