"МСМ Групп" нь компанийн нийгмийн хариуцлагын хүрээнд “Амгалан” амаржих газарт зөөврийн эхо аппарат болон “Хүрээ” амаржих газарт нярайн амьсгалын аппаратыг тус бүр хандивлажээ.

          Дэлхий нийтэд тархаад буй "Ковид-19" цар тахлын энэ үед жирэмсэн эмэгтэйчүүд тус халдварын улмаас дутуу төрөх, халдварын өвчлөл нь хүндрэх, эх хүүхдийн эндэгдэл гарах зэрэг ноцтой хүндрэлүүд гарч байгаа. Эдгээр эрсдэлийг бууруулахад бодитой хувь нэмэр оруулж, эх нярайн эрүүл мэндийн тусламж үйлчилгээний хүртээмжийг сайжруулах зорилгоор Нийслэлийн гуравдугаар төрөх эмнэлэг буюу “Амгалан” амаржих газар болон хоёрдугаар төрөх эмнэлэг буюу “Хүрээ” амаржих газруудыг сонгон нэн шаардлагатай байгаа эмнэлгийн тоног төхөөрөмжүүдийг хандивласан аж. 

"МСМ Групп" ХХК нийгмийн хариуцлагын хүрээнд эрүүл мэнд, хүрээлэн буй орчин, хүүхдийн боловсрол зэрэг нийгэмд чиглэсэн төсөл, хөтөлбөрүүдийг дэмжин хамтран ажилладаг билээ.