Хөвсгөл аймгийн Алаг-Эрдэнэ сумын Хатгал тосгоны Бэлчирийн сайр, Бэрхэвшийн сайр гэх газар 10 зорчигчтой, таван автомашин уруйн үерт урсжээ.

Тодруулбал, “10 зорчигч таван автомашин уруйн үерт урсаж байна” гэх дуудлагыг өчигдөр буюу наймдугаар сарын 17-ны өдрийн 17:30 цагт хүлээн авсан байна.

Улмаар тус аймгийн Онцгой байдлын газрын Хатгал тосгон дахь Гал түймэр унтраах, аврах 69 дүгээр ангийн алба хаагчид Хатгал тосгоны төвөөс 25 километр явж, мөн өдрийн 19:10 цагт очсон аж.

Гал түймэр унтраах, аврах 69 дүгээр ангийн алба хаагчид иргэн Н-ийн жолоодож явсан “Форестер” загварын автомашин нэг зорчигчтой, Ө-гийн жолоодож явсан “Делика” загварын автомашин хоёр зорчигчтой, Б-гийн жолоодож явсан “Гаяа” загварын дөрвөн зорчигчтой, С-ийн жолоодож явсан гурван зорчигчтой автомашиныг татан гаргасан байна.