Дэлхийн банкны "Мал аж ахуй, эдийн засгийн эргэлтийг нэмэгдүүлэх" төслийн хүрээнд малчны бүлгийн сургагч багш бэлтгэх сургалт Дундговь аймгийн Мандалговь сум зохион байгуулагдаж байна. Тус сургалт нь малчдын бүлгийн гамшгийн эрсдэлийн менежментийн чадавхийг бэхжүүлэх зорилготой бөгөөд зудын нөхцөл байдал үүссэн аймаг, орон нутагт хоёр үе шаттайгаар зохион байгуулж байгаа аж.

     Сургагч багш бэлтгэх сургалт энэ сарын 16-20 ний хооронд үргэлжлэх бөгөөд сургалтад Дэрэн, Луус, Сайхан-Овоо, Хулд сумаас тус бүр дөрвөн малчин оролцож байгаа гэнэ. 

     Малчид уг төсөлд хамрагдсанаар өвөлжилтийн бэлтгэл ажлыг хангах, малын эрүүл мэндийн үйлчилгээг цаг тухай бүрт нь авч хэрэгжүүлэх, өвөлжөө, хаваржаа, бэлчээрээ зөв зохистой ашиглах, бэлчээрийн ургамал тариалах, хоршиж санхүүгийн чадавхиа дээшлүүлэх, малын үүлдэр угсааг сайжруулах, малын гаралтай түүхий эдийг нэгдсэн зохион байгуулалттайгаар худалдан борлуулах чадвартай болох ажээ.