Өвөрхангай аймгийн Есөнзүйл суманд онц ноцтой хэрэг энэ сарын 13-нд гарчээ. Тодруулбал, тус сумын нутагт эрэгтэй хүн боомилж нас барсан байсныг иргэд цагдаагийн байгууллагад мэдээлжээ. Цагдаа нар хэргийн газар очиж шалгалт хийхэд тус сумын харьяат 35 настай эрэгтэй өөрийгөө боомилж нас барсан байжээ.

      Тэрбээр эхнэр болох 32 настай эмэгтэйг портер машинаар дайрч хөнөөгөөд, дараа нь өөрийгөө боомилж, амиа хорлосон гэж урьдчилсан байдлаар үзэж байна. Тус хэргийг Өвөрхангай аймгийн цагдаагийн хэлтэст шалгаж байна. Иргэд архи согтууруулах ундаа хэтрүүлэн хэрэглэсэн үедээ ноцтой гэмт хэрэг үйлдэх, хохирогч болох хэргүүд гарсаар байгааг цагдаагийн байгууллагаас анхааруулж байна.