Элсэлтийн ерөнхий шалгалтын дүн, оноо мэдээлэх үйл явц хэрхэн явагдахыг Боловсролын үнэлгээний төвөөс танилцууллаа.

     Шалгалтын хугацаа дуусмагц шалгалтын материалыг хураан авч битүүмжлэн, сэдэв хариуцагч IT мэргэжилтэнд хүлээлгэн өгөх аж. Ажилтан тухайн хариултын хуудсыг засагч хуудсанд уншуулах бөгөөд анхны оноог зарлан мэдээлэх юм. Шалгалтын материал засах, оноожуулах явц болон анхны оноог www.live.eec.mn хаягаар шууд хүлээн авах эсвэл нөхөн үзэх боломжтой.

Ташрамд дурдахад 2021 оны элсэлтийн ерөнхий шалгалт наймдугаар сарын 19-22-ны өдрүүдэд зохион байгуулагдана. Цар тахалтай холбоотойгоор элсэлтийн ерөнхий шалгалтыг нийслэлд 40, орон нутагт 42 шалгалтын төвд зохион байгуулах ба нэг ангид 1.5-2.0 метрийн зайтай 12-15 сурагчид суухаар шалгалтын анги танхимыг бэлтгэсэн. Шалгуулагчид шалгалтад өөрийн суудлын хуваарьт заасан цаг, орох хэсгийн дагуу хамрагдах аж.