УБТЗ 80 километрийн зам засвар хийж, автомат удирдлагатай зөрлөгө шинээр байгуулж байна

2021-08-17, 238

Монгол Улсын нийт ачаа тээврийн 70 гаруй хувийг төмөр замаар тээвэрлэдэг. Тэгвэл сүүлчийн жилүүдэд төмөр замын тээврийн хэмжээ тасралтгүй эрчимтэй нэмэгдэж, төмөр замын эдийн засгийн өсөлтөд гүйцэтгэх үүрэг улам нэмэгдэж байна. Манай улсын төмөр замын тээврийг нуруун дээрээ авч явдаг Улаанбаатар төмөр зам ХНН 2016 онд 20 сая тонн ачаа тээвэрлэдэг байсан бол 2020 онд 30 сая тонн болтлоо өсчээ. Ийнхүү төмөр замын тээврийн хэмжээ өдөр бүр өсөн нэмэгдэж байгаатай холбогдуулан Улаанбаатар төмөр зам ХНН тээх, нэвтрүүлэх хүчин чадлаа нэмэгдүүлэхэд онцгой анхаарч байна.

Тус нийгэмлэг жил бүр хүчин чадлаа нэмэгдүүлэх чиглэлээр хөдлөх бүрэлдэхүүний парк шинэчлэлт, замын их засварын ажлыг төлөвлөн хэрэгжүүлж иржээ. Энэ жил УБТЗ гол замдаа 80 километр замын засварын ажил хийж, долоон өртөө зөрлөгийн замыг өргөтгөж, автомат удирдлагатай нэг зөрлөгийг шинээр байгуулах юм. Эдгээр ажил хийгдсэнээр УБТЗ-ын нэвтрүүлэх хүчин чадал өсөж, төмөр замаар үйлчлүүлэгчдийн ачаа барааг саадгүй шуурхай тээвэрлэх боломж улам нэмэгдэнэ.

УБТЗ 80 километрийн зам засвар хийж, автомат удирдлагатай зөрлөгө шинээр байгуулж байна