Монголбанкнаас энэ сард 60 тэрбум төгрөгийн эх үүсвэрийг арилжааны банкуудад хуваарилж, холбогдох гэрээний дагуу банкууд өөрийн эх үүсвэрээр 40 тэрбум төгрөгийг нэмж, нийт 100 тэрбум төгрөгийн ипотекийн хөтөлбөрийн зээл олгохоор болжээ.

        Энэ оны эхний долоон сарын байдлаар орон сууцны ипотекийн зээлийн хөтөлбөрийн хүрээнд Монголбанк болон банкны эх үүсвэрээр нийт 554.4 тэрбум төгрөгийн зээлийг 7470 өрхөд олгожээ.  Өөрөөр хэлбэл, сард дунджаар 78.6 тэрбум төгрөгийн зээл олгоод байгаа гэнэ. Мөн тус банкнаас орон сууцны ипотекийн зээлийн хөтөлбөрийн санхүүжилт, зээл олголт хэвийн үргэлжилж байгаа хэмээн мэдээллээ.