Тээврийн цагдаагийн албаны жижүүрийн шуурхай удирдлагын төвд нийт 319 дуудлага, мэдээлэл иржээ. Үүнээс зам тээврийн ослын шинжтэй 218 дуудлага мэдээлэл бүртгэгдсэн байна.

        Бүртгэгдсэн зам тээврийн ослын улмаас нийслэлд гурав, орон нутагт хоёр хүн гэмтэж, хоёр хүн нас баржээ. Ослын улмаас орон нутагт нэг хүүхэд гэмтсэн байна. Гудамж замын хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодож хөдөлгөөнд оролцсон нийт 74 зөрчил илрүүлжээ. Үүнээс нийслэлд 43, орон нутагт 31 зөрчлийг илрүүлж учирч болох эрсдэлээс урьдчилан сэргийлж ажилласан байна.