• Өнөөдөр 2025-04-30

“Мансууруулах бодис захиалсан хэрэгт Хонконгт 10 жил ял эдэлж байсан Э-г холбогдуулан шалгаж байна”

2021-08-16,   594

       Цагдаагийн ерөнхий газраас цаг үеийн асуудлаар мэдээлэл өгсөн. Энэ үеэр Хар тамхитай тэмцэх газрын ахлах мэргэжилтэн, Цагдаагийн ахмад М.Зоригтбаатар “Энэ он гарсаар эхний хагас жилийн байдлаар улсын хэмжээнд хар тамхи мансууруулах бодистой холбоотой 76 гэмт хэрэгт 143 хүнийг холбогдуулан шалгаж байна. 2021 оны наймдугаар сарын 11-ний өдөр Өмнөд Африкийн Улсаас 989.2 гр буюу их хэмжээний метафитамин “мөс” гэх нэршилтэй бодисыг улсын хилээр нэвтрүүлсэн гэмт хэргийг цагдаагийн байгууллага шуурхай илрүүлэн, шалгаж байна.

      Дээрх хэрэгт Б, Э нарыг холбогдуулан шалгаж байна. Э-д таслан сэргийлэх арга хэмжээ авсан. Тухайн этгээд нь шалгалтын явцад урд өмнө Хонконгт хар тамхи мансууруулах бодисыг зөөвөрлөсөн хэргээр 10 жилийн ял эдэлж, Монгол Улсад 2020 онд орж ирээд дээрх гэмт хэрэгт холбогдон шалгагдаж байна. Хар тамхитай тэмцэх газраас гадаад улсын интерпол болон хар тамхитай тэмцэх байгууллагуудтай мэдээлэл солилцож Монгол Улс руу гадаадаас нэвтрүүлсэн этгээдийг олж тогтоохоор ажиллаж байна. Энэхүү гэмт хэрэгт ЭХ-ийн 20.7.3-т заасны дагуу 5-12 жилийн хорих ялаар шийтгэдэг” гэлээ.

 

 


“Мансууруулах бодис захиалсан хэрэгт Хонконгт 10 жил ял эдэлж байсан Э-г холбогдуулан шалгаж байна”
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.