Монгол Улсын Ерөнхий сайд Л.Оюун-Эрдэнэ "Таван толгой түлш" ХХК-ийн сайжруулсан шахмал түлшний үйлдвэрийн үйл ажиллагаатай танилцаж байна.

2021-2022 онд нийслэлийн хэмжээнд 170 гаруй мянган өрх шахмал түлш хэрэглэх бөгөөд 300 өрхийн дунд шахмал түлш борлуулах нэг цэг ажиллах ажээ.Өнөөдрийн байдлаар 13 мянган тонн түлшний нөөц байгаа аж. Энэ өвөл тус үйлдвэр зүүн, баруун бүсийн үйлдвэртээ нийт 600 орчим мянган тонн сайжруулсан шахмал түлш үйлдвэрлэхээр төлөвлөжээ.

Ерөнхий сайд тус үйлдвэрийн үйл ажиллагаатай танилцаж, нийслэлийнхний өвөлжилтийн бэлтгэлийг хангахад шаардлагатай зарим асуудлыг шийдвэрлэх юм.