Энэ сарын 11 буюу намрын тэргүүн сарын шинийн 3-ы өдөр Булган аймагт Вангийн хүрээний Их цагаан суваргыг бүтээх, шав тавих ёслол болсон. Энэ үеэр УИХ-ын гишүүн Ц.Анандбазар, ‘’Анхдагч хөгжил клуб’’-ын хамт олон ардын багш, гавьяат эмч Ц.Лхагвасүрэнд ‘’Анхдагч хөгжил’’ клубын дээд шагнал Анхдагч цомыг гардуулан хүндэтгэл үзүүллээ.

      Монгол Улсын ардын багш, гавьяат эмч Ц.Лхагвасүрэн ардын хувьсгалын 100 жилийн ойгоор ардын багш цолоор шагнуулсан юм. Булган аймгийн бизнес эрхлэгч залуусын нэгдэл ‘’Анхдагч хөгжил’’ клуб Анхдагч цомоо 2020 оноос эхлэн тухайн жилдээ нутаг орныхоо хөгжилд үнэтэй хувь нэмэр оруулан, Монгол орондоо хийгээд тив, дэлхийд өндөрт өргөсөн эрхмүүдэд олгох болсон. Анхдагч цомыг 2020 онд олимпын аварга Н.Түвшинбаярт гардуулсан юм.