Эдийн засгийн түшиц суурин газар болох Замын-Үүд сумын дулаан, цахилгааны эрчим хүчний хэрэглээ жилээс жилд өсөн нэмэгдэж байгаа. Мөн эдийн засгийн чөлөөт бүс шинээр ашиглалтад орж буйтай холбогдуулан үйлдвэрлэлийн хэмжээг нэмэгдүүлэх шаардлагатай тулгарсан байна.  

        Харин “Замын-Үүд эдийн засгийн чөлөөт бүс” төслийн хүрээнд 87 МВт хүчин чадалтай дулааны станц, ус дулаан дамжуулах 12 төв, 20 орчим километрийн дулааны шугамын барилга угсралтын ажлыг БНХАУ-ын талаас 2018 онд хийж дуусгасан ч өдийг хүртэл үндсэн чиглэлээр нь ашиглаагүй байжээ. Гэтэл уг станцыг түшиглэн үүсээд буй хэрэглээг хаах бүрэн боломжтой гэнэ.

   Дээрх асуудлыг цэгцлэх зорилгоор Эрчим хүчний сайд Н.Тавинбэх өчигдөр “Замын-Үүд дулааны станц” ТӨҮГ-т ажиллажээ Тэрбээр Шадар сайдын албан томилолтыг давхцуулан орон нутгийн удирдлагуудыг байлцуулан хуралдаж, цаг үеийн хэд хэдэн чухал асуудлыг хэлэлцсэн байна. Үүнд:

• Тусгай зөвшөөрөл

• Бүтэц, орон тоо

• Техник хангамж

• Богино хугацаанд хийгдэх ажлын төлөвлөгөө

• Санхүүгийн хүндрэл зэргийг холбогдох шугамаар танилцуулж, шийдвэрлүүлэх санал гаргажээ.

              Улмаар цаг алдалгүй, шуурхай зохион байгуулах үүднээс Эрчим хүчний яам, Барилга хот байгуулалтын яам, Гадаад харилцааны яам болон холбогдох агентлагын мэргэжилтнүүдийн хамтарсан ажлын хэсэг байгуулахаар болсон байна.