Завхан аймагт JCI байгууллагын "Save Angels" төсөл хэрэгжиж эхэллээ. Төслийн хүрээнд нярайн нэн шаардлагатай 105 сая төгрөгийн тоног, төхөөрөмжийг аймгийн нэгдсэн эмнэлэгт хүлээлгэн өгсөн байна.

Тус байгууллага 2015 оноос эхлэн нярайн эндэгдлийг бууруулах хөтөлбөрийг санаачлан эхлүүлж, тогтвортой урт хугацаанд шат дараалсан төсөл арга хэмжээ хэрэгжүүлсээр байна. Хөтөлбөрийн хүрээнд эх баригч, эмч мэргэжилтнүүдэд сургалт явуулахаар болжээ. Ингэснээр сүүлийн үеийн технологи дээр ажиллах эмч мэргэжилтнүүдийг сургаж, дадлагажуулах юм.

Ташрамд дурдахад “Save Angels” хөтөлбөрийн хүрээнд  эх хүүхдийн эрүүл мэндийг хамгаалах Улаанбаатар хот дахь төв эмнэлгүүдтэй хамтран ажиллаж тэдгээр эмнэлгүүдэд нэн шаардлагатай тоног төхөөрөмжүүдийг хандивласан байна. Тухайлбал хүүхдийн түргэн тусламжийн дуудлагын автомашин, дутуу болон бага жинтэй нярайн эмчилгээ сувилгааны чанар хүртээмжийг сайжруулах зорилгоор нярайн эрчимт эмчилгээний тасгийг шинэчлэн зохион байгуулжээ.