Вакцины хоёрдугаар тунгаа өчигдөр хийлгэсэн ерөнхий боловсролын сургуулийн төгсөгч охин сэхээнд оржээ. Тодруулбал, хохирогч охин эрэгтэй дүүгийнхээ хамт өрхийн эмнэлэгтээ очиж вакцинд хамрагдсан байна. Улмаар ажиглалтын хугацаа нь дуусаж, дүү нь гэртээ харьсан боловч 17 настай эгчийнх нь бие хүндэрч, сэхээн амьдруулах тасагт хэвтжээ.

      Энэ талаар түүний ээж “Хүү, охин хоёр маань вакцины хоёрдугаар тунгаа хийлгэсэн. Миний хүүхдүүдэд төрөлхийн гажиг, суурь өвчин зэрэг ямар нэгэн зовиур байхгүй. Өөрөөр хэлбэл, цоо эрүүл хүүхдүүд. “Вакцинаа хийлгэчихээд ир" гээд явуулсан чинь хүү маань зүгээр ирсэн. Харин миний охин дархлаажуулалтын цэгээс эмнэлэг рүү шилжсэн. Вакцины шоконд орсон учраас сэхээн амьдруулах тасагт хэвтүүлэн, эмчлүүлж байна” гэв.