• Өнөөдөр 2025-05-01

"Таван толгой" түлшний үйлдвэрийн өвөлжилтийн бэлтгэл 75 хувьтай байна

2021-08-13,   355

        "Таван толгой" түлшний үйлдвэрийн өвөлжилтийн бэлтгэл, засвар шинэчлэлийн ажил 75 хувьтай байна.
 
Агаарын чанарыг сайжруулж, орчны бохирдлыг бууруулах, өвлийн бэлтгэлийг хангах ажлын хүрээнд Байгаль орчин, аялал жуулчлалын сайд, Орчны бохирдлыг бууруулах үндэсний хорооны дарга Н.Уртнасан чиглэл өгч, томилсон ажлын хэсэг “Таван толгой түлш”  ХХК-ийн хэрэглэгчдэд үйлчлэх төв болон баруун бүсийн үйлдвэрт ажиллалаа.
 
Орчны бохирдлыг бууруулахаар сайжруулсан шахмал түлшний үйлдвэрийн гадна талбайд 10 орчим метрийн өндөр зориулалтын хаалт босголоо. Ингэснээр хамрах талбайн тоосжилт 75 хувиар буурна гэж тооцоолжээ.
 
Орчны бохирдлыг бууруулах зорилгоор таван толгой түлшний баруун бүсийн үйлдвэрт есөн бутлуур, туслах 15 тоног төхөөрөмж шинээр суурилуулахаар бэлтгэлээ хангасан байна. “Таван толгой түлш” ХХК-ийн баруун бүсийн үйлдвэрээс үүсэх тоосжилтыг дөрөв дахин бууруулахаар техникийн шинэчлэл хийж эхэлсэн.
 
Сайжруулсан шахмал түлшний үйлдвэрээс үүсэх тоосжилтыг бууруулах зорилгоор бутлууруудыг газар доор байрлуулж байна.
 

"Таван толгой" түлшний үйлдвэрийн өвөлжилтийн бэлтгэл 75 хувьтай байна
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188
[email protected]
2025 © Зохиогчийн эрх хуулиар хамгаалагдсан. Мэдээлэл хуулбарлах хориотой.