Монгол Улсын Засгийн газар, БНФУ Засгийн газар хоорондын Санхүүгийн хэлэлцээрийн хүрээнд агаараас аврах ажиллагааны анги нэгж байгуулах төсөл хэрэгжүүлж эхлээд байна. Тодруулбал, Францын төрийн сангийн зээлээр Онцгой байдлын ерөнхий газраас БНФУ-ын Иргэний аюулгүй байдал, гамшгийн удирдлагын газартай хамтран хэрэгжүүлж байгаа аж. Тэгвэл Шадар сайд С.Амарсайхан өчигдөр тус төслийн хүрээнд хэрэгжүүлж буй Агаараас эрэн хайх, аврах 111 дүгээр анги байгуулах ажлын явцыг шалгажээ.

         Уг төслийн хүрээнд Онцгой байдлын байгууллагад нисэх хүчний шинэ нэгж байгуулж, 12 нисгэгч, 12 механик, ослын үеийн яаралтай тусламж үзүүлэх гурван эмчийг сурган дадлагажуулж байгаа гэнэ.

         Мөн агаараас эрэн хайх, аврах, эмнэлгийн тусламж үзүүлэх үйл ажиллагаанд зориулан тоноглосон “Airbus EC-145, T-1” загварын гурван нисдэг тэрэг, нисгэгч нарыг бэлтгэх бага оврын нисдэг тэрэг, симулятор нийлүүлжээ. Үүнээс гадна нисдэг тэрэг байрлах ангарыг байгуулсан байна.

        Францын “Хэли-Юнион” компаниас нийлүүлж буй “Airbus EC-145” бүрэн тоноглогдсон хоёр нисдэг тэргийн инженер, техникийн баг угсарч дууссан бөгөөд ирэх арваннэгдүгээр сард дахин нэг нисдэг тэрэг оруулж ирэхээр төлөвлөжээ.  

Мөн агаараас эрэн хайх, аврах, эмнэлгийн тусламж үзүүлэх үйл ажиллагаанд зориулан тоноглосон “Airbus EC-145, T-1” загварын гурван нисдэг тэрэг, нисгэгч нарыг бэлтгэх бага оврын нисдэг тэрэг, симулятор нийлүүлжээ

Эх сурвалж: Монгол Улсын Шадар Сайдын мэдээлэл