Сүүлийн үед суурьшлын бүсэд могой ихээр үзэгдэж, хортой могойд хатгуулснаар амиа алдсан тохиолдол ч гарсан. Тэгвэл могойтой таарвал хатгуулахгүй, урьдчилан сэргийлэх арга хэмжээ авч, өөрийгөө хамгаалах талаар дараах зөвлөгөөг хүргэж байна.

Могойтой тааралдсан тохиолдолд яах ёстой вэ.

Могойтой тааралдсан тохиолдолд аль болох тайван байж огцом хөдөлгөөн хийхгүй, дуу чимээ гаргахгүйгээр ухарч зай барих хэрэгтэй.

Могойд хатгуулсан үед ямар шинж тэмдэг илрэх вэ?

Могойд хатгуулсан даруйд ямар нэгэн зовиур илрэхгүй байж болох бөгөөд үзүүртэй өвс, өргөс зэрэгт хатгуулсан мэт мэдрэмж төрж болно. Ийм үед соёоны ором байгаа эсэхийг шалгаж, яаралтай эмнэлэгийн байгууллагад хандах хэрэгтэй.

Могойд хатгуулсан үед ямар тусламж үзүүлэх вэ?

• Могойд хатгуулсан тохиолдолд хорыг өөрөө эсвэл хүнээр соруулж нулимж хаяад амаа усаар зайлах
• Могойд хатгуулсан хэсгийг удаан хугацаагаар хүйтэн усанд дүрэх
• Хор тайлах шингэн зүйлийг их хэмжээгээр уух (10 килограммаас доош жинтэй хүүхэд  нэг литр, 10килограмаас дээш жинтэй хүүхэд 1.5 литр, насанд хүрэгчид 2-3 литр )
• Шархан дээр самбай маарлаар боолт хийх
• Хатгуулсан мөчийг дээш сойх шаардлагатай

Хэрхэн хортой могойг хоргүй могойноос ялгах вэ? 

Нүд хортой могойнууд босоо хэлбэрийн хүүхэн хараатай, хоргүй нь босоо хэлбэрийн хүүхэн хараатай байдаг.

Хортой могой хамрын нүхний хооронд халуун мэдрэгч нүхтэй байдаг. 

Хортой могойн толгой өргөн, хүзүү нь нарийн ба гурвалжин хэлбэрийн толгойтой байдаг. 

М.ХОНГОРЗУЛ