Галт тэрэг ирж байхад төмөр замын голоос хүн гарахгүй байх тохиолдол гарсаар байгаа нь хөдөлгөөний аюулгүй байдал,  иргэдийн аминд ноцтой эрсдэл учруулж байна.

Эн төрлийн  тохиолдол 2021 он гарснаас хойш Сонгинохайрхан дүүргийн 20 дугаар хорооны нутаг дэвсгэр “Хүнс трейд” ХХК-ийн автобусны буудлын ойролцоо болон  Залуус хорооллын урдах төмөр замын гарц, гармын орчим найман удаа, Баянгол дүүргийн 20 дугаар хорооны нутаг дэвсгэр Таван шар, Москва, нэгдүгээр хорооллын урдах төмөр зам дээгүүрх гарц гармын орчим 10 удаа, Сэлэнгэ аймгийн Сүхбаатар, Шаамар, Мандал, Баянгол сумын нутаг дэвсгэрт 11 удаа гарсны улмаас галт тэрэг яаралтай тоормос хийж зогссон байна. Галт тэрэг яаралтай тоормос хийсэн тохиолдолд 800-1000 метр явж байж зогсдог тул явган зорчигчид төмөр зам дээгүүр яаралгүй анхаарал болгоомжтой нэвтрэн өнгөрөх нь эрсдэлээс хамгаална.

Иймд төмөр замын гармаар нэвтрэн өнгөрөхдөө төмөр замын аюултай бүсийн дэглэмийг чанд сахин биелүүлж, анхаарал болгоомжтой зорчихыг “Улаанбаатар төмөр зам” ХНН-ээс анхааруулж байна.