Дорноговь аймгийн Даланжаргалан сумын Зүүндалан гэх газар хиймэл нууранд хүн живжээ. Тодруулбал наймдугаар сарын 10-ны 16:55 цагт нүүрс угаах хиймэл нууранд хүн живсэн гэх дуудлагыг тус аймгийн онцгой байдлын газар хүлээн авсан байна.

Онцгой байдлын газрын гал түймэр унтраах, аврах 23 дугаар анги, үндэсний аврах бригадын албан хаагчид наймдугаар сарын 11-ний  09:53 цагт нүүрс угаах үйлдвэрийн хиймэл нууранд живсэн 22 настай иргэнийг эрэн хайх ажиллагааг эхлүүлэн  11 метрийн гүнээс олж цогсыг тус аймгийн цагдаагийн газар  шилжүүлэн өгчээ.