Хөдөө орон нутгийн хөгжлийн бэрхшээлтэй хүүхдүүдийг зайнаас эмчийн үзлэгт хамрагдах боломжийг бүрдүүлжээ.

 Тус төслийг Хөдөлмөр нийгмийн хамгааллын яам Leaders Advancing Democracy-LEAD Mongolia US20” хөтөлбөрийн “Ил тод байдлыг сайжруулах, авилгыг бууруулах” бодлогын багтай хамтран “Бидэнд ойр” төслийг хэрэгжүүлж эхэллээ. Энэхүү төслийн хүрээнд хөдөө орон нутаг, алслагдсан сум, дүүрэгт байгаа хөгжлийн бэрхшээлтэй хүүхдүүд Улаанбаатар дахь Хөгжлийн бэрхшээлтэй хүүхдийн сэргээн засах хөгжлийн төв рүү eclinic.mn платформоор дамжуулан зайнаас эмчийн үзлэгт орох юм.

Зайнаас эмчийн үзлэгт хамрагдах үйлчилгээг нэвтрүүлснээр хөгжлийн бэрхшээлтэй хүүхдүүд эрүүл мэндийн үйлчилгээг цаг алдалгүй Монгол Улсын хаанаас ч авах боломж бүрдэх юм. Төслийг наймдугаар сарын 10-ний өдөр эхлүүлсэн бөгөөд “Хөгжлийн бэрхшээлтэй хүүхэдтэй эцэг эхийн холбоо”-ны Баян-Өлгий аймаг дахь салбарт 11 хөгжлйн бэрхшээлтэй хүүхдийг амжилттай үзлэгт хамруулсан байна. Цаашид энэхүү төслийг Монгол орны 21 аймагт нэвтрүүлэх аж.