Эрүүл мэндийн сайдын өгсөн чиглэлийн дагуу Эрүүл мэндийн яамны Эмнэлгийн тусламжийн бодлого хэрэгжилтийг зохицуулах газраас зохион байгуулан нийслэлд коронавируст халдвартай иргэдийг хэвтүүлэн эмчилж буй эрүүл мэндийн 52 байгууллагад  хяналт, шалгалт хийжээ. 

Дээрх хяналтын хүрээнд өчигдөр Хан-Уул дүүргийн нэгдсэн эмнэлэг болон Хан-Уул дүүргийн эрүүл мэндийн төвийн харьяа 145 ортой түр тасгийн улаан бүсийн  үйл ажиллагаа, нөхцөл байдалтай танилцаж, тулгамдаж буй асуудлыг судлан, мэргэжил аргазүйн зөвлөгөө өгч ажилласан байна.

Хан-Уул дүүргийн нэгдсэн эмнэлэг болон Хан-Уул дүүргийн эрүүл мэндийн төвийн харьяа 145 ортой түр тасагт орны ачаалал харьцангуй багасаж, хүнд хүний тохиолдлын тоо буурсан, хэвтэн эмчлүүлж буй иргэд эмчилгээ, үйлчилгээнд  сэтгэл ханамжтай байгаа ажээ.